قلبي في هذه القلوب التي تندثر وتسقط من كسرة الآلام

بحبــــك أوي ووحشتني


ده أغلى إنسان عندي ربنا يرحمه يارب ويدخل فسيح جناته


وحشتني أوي أوي أوي يا عمو :(:(:(


ياريت كل انسان يزور مدونتي يقرأ له الفاتحة

ربنا يرحمه يارب هو وكل موتى المسلمين

آمين يارب العالمين


My Uncle >>> Love U

My Uncle >>> Love U

Saturday, December 5, 2009

لوحدك ولا... لاء

السلام عليكم و رحمة الله و بركاته

بسم الله الرحمن الرحيم


لوحدك ولا ... لاء


http://qasg.jeeran.com/%D8%A7%D9%84%D8%B7%D8%B1%D9%8A%D9%82%20%D8%B7%D9%88%D9%8A%D9%84.jpg



ليلة بها لحظات شروق يليه غروب ، حياة قاسية وأخرى حالمة
أعتقد أنها حياتي بل حياة الكثير ممن يتمنون ان يعيشوا الحب حياة وليست لحظات
تناثر غريب للكلمات .. وطريق يظهر أمامي
يضيق فيضيق ويزيد في انكساره حتى لا أحتمل المضيق

يظهر منحنى لم أستطع القفز، يصرخ جوايا صوت اقفزي ... لاء طبعا هو أنا هبله ممكن أقع
اقفزي .... لا ياسيدي العمر موش بعزقه

أخاف الوقوع ولكن لابد من تكملة الطريق..
سحابة تظهر فوق رأسي يشوبها لون أسود قاتم وكأن حريق ودخان أسود غذائها
لست ممن يدخنون ولم أقوَ على تحمل الدخان، اتسع الطريق وابتعد المنحنى وازداد الطريق ظلاما

واضح إن السحابة وقعت على الأرض

ما العمل ؟

كيف سأكمل وحدي الطريق؟

ولماذا الظلمة تكون مساري؟

لم أعشق الحياة لأنها لم تعشقني


http://www11.0zz0.com/2009/05/29/16/975763211.jpg

لكن هل ستستمر ، أعتقد أن الظلام واقع لي ولما لا فأنا معظم الوقت أغلق نور حجرتي ولم أتحمل ضوء الشمس

حتى في قسوة البرد عند ظهورها ... بقفل البلكونة

لا زلت أسير ولا أحتمل الطريق فأشعر أنه يقبض على صدري رغم اتساعه

سأنظر في الساعة .. طيب إزاي هو أنا شايفه الطريق لما أشوف عقارب الساعة

ما العمل ؟

تقترب السحابة السوداء فوق رأسي ... عايزة أقولها تبعد شويه وتجيبلي شوية ضوء عشان أكمل الطريق

حالة ذهول ظهرت داخلي لقد ظهر المنحنى مرة أخرى

ولكن هل ظهوره يعني أنه لابد من وجود النور بعده فلما لا قد يكون إشارة لشيء ما أو دلالة على شيء ولكني أخاف

ولأنني أعشق الشاي برغم ضرره الواضح عليا إلا أنني لازلت أشربه .. واضح إن العناد لسه فيا

وجدت نفسي أنظر لتلك المج الذي دوما أشرب فيه كل شيء ولا يقربه أحد

يااااه حتى المج أسود جدا من جوه برغم لونه الكحلي الغامق

ووجدتني أفكر في تلك الجملة التي لا زلت أرددها بسؤال

هو ليه دايما لما بشوف تفل الشاي بعد ما بخلص شربه بحس أن أنا اللي مفرومة أوي كده زي التفل

والمؤكد إنه لا يمكن إصلاحه يمكن تجميعه .. لكن لم يتم تركيبه ليشكل جسد واحد غير متجزأ

ياترى إيه السبب

http://www.friendsoflight.com/pg/data/500/dream.jpg

أحيانا يقال عني أني سادية أعشق تعذيب ذاتي .. يمكن عشان تعبت من غدرها بيا

لما تطمني للدنيا وبعدين تضحك عليا

حتى دي سألت نفسي عليها ضحكتي فعلا حلوة جدا بس في حاجه جوايا بقت بتخنقها

وفكرت تاني لقيتني بقول :-

هل مريم تحب مريم أم تكرهها

ما انا لما حبيتها اتوجعت

ولما بعدت عنها اتوجعت

بس لقيتني بقولها بحبك وإنتي مع الناس وبكرهك وإنتي لوحدك

هو إنتي فعلا لوحدك ولا ... لاء

http://www.g-unleashed.com/forums/uploads/1213902656/gallery_0_1_7375.jpg


Saturday, September 26, 2009

بـــــــــدايــــــة

السلام عليكم و رحمة الله و بركاته

بسم الله الرحمن الرحيم


بـــــــــدايــــــــــــــــة


http://www4.0zz0.com/2008/10/14/23/497667162.jpg


غمضت عيني وشفت فيها احساس غريب

احساس أخدني لدنيا حلوة اتمنيتها من قريب

ولما غمضت شوفتك أدامي ملاك قلبه عجيب

قلب حساس تهواه الناس جواه حنان رهيب

حنانه فعل كلامه سحر حضنه أمان صعب يغيب



كانت بداية مولوده جوانا

عشنا فيها بكل دنيانا

خليناها دنيا واحده تعيش معانا

اسمي مربوط باسمك في ميعاد لقانا

اتقابلنا يومها صدفه واتخلق فيها هوانا


فهمت عقلي فتحت قلبي وأخدتني لدنيتك


حبيت عقلك عشقت قلبك ودخلت جوه جنتك


كتبنا فيها الصـــراحه

وقلنا اللي يخليك ويخليني مرتاحة

اتعاهدنا واتواعدنا ما يدخل تالت بينا

اتمنينا واترجينا رب العباد يوفقنا

يجمعنا ما يفرقنا

يقربنا ما يبعدنا

وهنفضل ندعي لحد ما يستجيب دعائنا

ويجمعني بيك ويجمعك بيا ويحققلنا مرادنا








FoR My LoVe





Monday, June 29, 2009

نـــــداء من حياة قصيرة

السلام عليكم ورحمة الله وبركاته

بسم الله الرحمن الرحيم


نداء من حياة قصيرة




بين الحين والآخر أفكر وتراودني صور غريبة , وبين الثواني ومثيلتها يعتريني شبح أسود يقترب ويقترب .. تتضح ملامحه مخيفة


ويرتسم على كفيه اسم العذاب


تتقدم الساعة ببطء شديد


تأتي مثل دقات قلبي
تتحرك كراحل هذه الدنى

ويعلم بأنه يبدأ العد التنازلي لدقات قلبه .. ولكني .....

لا أعلم كم الرقم الآن الذي وصلت إليه؟؟؟



تحركت بي لمحة من السعادة لبرهات

وكأنها تود أن تقول فلكي أن تريها وتودعيها لأنها لم تكن مصير لك أبدا فلتقبلي عالمك بمره ..


وبالأمس رأيت صورة العذاب
من جديد كنت أخشى أن أقابله فأشعر به


ولن أراه

وسقطت دموعي حينها


ترتجف من شدة خوفها من الغد

فبالفعل أتى ولكن بعد أن كسر


ما تبقى لي من طعم للحياة



فقدت ذاتي وزادت حيرتي


وتبدل اسمي من ....


لا زالت على قيد الحياة


إلى رافضة الحياة


مهما كان ما بها من أمل

وليكن ما يكن ويصير ما يصير


فمثلما رحلت فسيرحل معي
ما تبقى




وليبقى عالمي مليئا بما فيه


ولتبقى حياتي قصيرة مثلما رأيتها سابقا

فبها راحتي وداخلها شقائي

****

صوت الحياة القصيرة





Saturday, June 13, 2009

حظــــــــك منصـــــــراوية

السلام عليكم و رحمة الله وبركاته

بسم الله الرحمن الرحيم



حظك منصـــــــــــراوية






اسمعها مني يا ابن الحلال بجد وموش هزار



وبلاش تفتكر إني بخوفك من فيلم اللعب مع الكبار


دول كلمتين اسمعهم عشان موش تتلسع لو مسكت بايديك النار


وترجع تندم وتقول ياريتني ما قربت وتفتكر إن في المنتقم الجبار


هسيبه يرد عليك وهرد كمان عليك ما إنت زي البحر غدار


افهم مين اللي بتكلمها يا انسان


راسها أنشف من حجر صوان


وموش بتقبل من مخلوق هوان


ولاتنحني زيك زي أي جبان


ومبتركعش غير للرحمن


اسمع وافهم كلامي كويس ومين البنت ديا


دي في الأصل حوا ضعيفه وعنادية


ضعفها في حبها لكن برده قوية


وموش سهل تنكسر وخصوصا لو عنادية


ولو فكرت تأذي موش تنسى إني برد بعنف موش شويه


هقولهالك كلمه حظك إني منصراوية wink.gif biggrin.gif


وموش بسامح اللي بيجي عليا


ولا بنسى الإساءه فيا


وبرده لسه هرد عليك وللحديث بقية angry.gif tongue.gif

Sunday, May 3, 2009

انا لله وانا اليه راجعون

انا كيارا وطبعا بكتب البوست دا نيابه عن ميرو لانها في حاله صعبه بجد
عمها توفي امبارح وهي خلتني انزل البوست نيابة عنها لانها فعلا في حاله يرثي لها
وهيا كانت كتبت عنه هناااااااااا

( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَّرْضِيَّةً فَادْخُلِي فِي عِبَادِي وَادْخُلِي جَنَّتِي )‏

انا لله وانا اليه راجعون..
هكذا هي الحياة..
هكذا هو القدر..
في لحظة من لحظات العمر
نفقد اشخاص لهم معزة في قلوبنا..
في لحظة يختارهم الله ليدخلهم في جنات النعيم

ليودعوا هذه الدنيا الدنيه..

((إنا لله وإنا إليه راجعون و لا حول ولا قوة إلا بالله العلي العظيم ))

(وبشر الصابرين الذين اذا اصابتهم مصيبة قالوا انا لله و انا اليه راجعون)

نسأل الله العلي القدير أن يتغمد الفقيد الراحل بواسع رحمته، وأن يعلي درجاته في الجنة،


وأن يحشره مع النبي محمد (ص) والأئمة
الطاهرين، وأن يلهم أهله وباقي أفراد الأسرة الكريمة الصبر والسلوان، إنه سميعٌ مجيب..





Monday, April 6, 2009

لو قلت وحشتوني موش كفـــــايه

السلام عليكم و رحمة الله و بركاته





بسم الله الرحمن الرحيم









لو قلت وحشتوني موش كفايه





طبعا في البداية أحب أقول إنكم كلكم وحشتوني وبشكر كل اللي سأل عني في غيابي وترك كومنت في مدونتي





أو سأل حد عني





وميرسي بجد على سؤالكم عني وأنا الحمد لله بقيت أفضل دلوقتي وفي حاجات كتير اتعلمتها





وفهمتها طول فترة غيابي .. المهم إنكم بجد وحشتوني أوي ووحشني عالم التدوين جدا جدا جدا





ووحشني ناس كتير أوي أولهم قلبي وروحي وعمري كيتي والروح في شباب أون لاين





وأونكل أحمد وحشتني جدا جدا ومحمد غالية





وسمايلي و ريمان حبايبي وابراهيم و ليدي





و أمير البلانكو طبعااااااااااا ومنمونه حبيبتي وهجريتي القمر وجوجو العثل





وحشني جو الأطفال عندها وطفلة موث حايزة تكبل حبيبتي العثل والثكل

موش عايزة انسى حد .. بس حقيقي وحشتوني أوووووووي





وأنا الحمد لله اتعلمت من فترة





غيابي دي كتير أوي وراجعه بأفكار وموضوعات نتناقش فيها سوا ونلاقي حل ونعرف بعض فيها





وحقيقي أي كلمة شكر أو وسام تقدير لكل اللي سأل عني





موش كفايه لأنكم تستاهلوا كل شيء جميل وأكتر من كده و ربنا يجازيكم كل خير





ويخليكم ليا يا أجمل أخوات في الله وأصدقاء في الحياة





آه نسيت أقولكم حاجه مهمه أكتر حاجه اتعملتها من فترة غيابي إن الهروب موش حل





والمواجهة هي أول خطوة لحل أي مشكلة مهما عظم حجمها





وقررت موش أبعد عن التدوين ولا عنكم أبداااا ويارب أكون لسه خفيفة حليكم وتده بقى هههههههههه





وموث تنثوا المثاثه بتاحتي والثوكولا هههههههههه وهفضل معاكم إن شاء الله لحد ما أموت





وموش هغيب عن المدونة إلا بموتي أو أكون مسافرة وموث محايا البي سي بقى





حقيقي وحشتووووووووني مووووووووت





جايه لكم بموضوع شيق جدا لقيته بطريقي في فترة غيابي وعايزة أناقشه معاكم





بس كان لازم الأول أقولكم إنكم بجد حد غالي عندي أووووووي وافتقدتكم جداااااا





أقولكم سلام مؤقت .. في رعاية الله

Tuesday, January 13, 2009

رحيل لا أعلم مداه

السلام عليكم و رحمة الله و بركاته
بسم الله الرحمن الرحيم

رحيل




موش عارفه أقول إيه بس أنا بقالي فترة تعبانه وبقاوم وموش قادرة لا أكتب ولا أرد ولا أركز ولا أرتاح


تعبانه جدا وموش حاسه باستقرار ولا راحة بال وكل مدى بيزيد الاحساس ده عليا ولذلك قررت أبعد لفترة


لأني حاسه إني موش فاهمه حاجه ولا قادرة أستوعب حاجه ومخنوقه جدا م الدنيا كلها وأفكار غريبة بتجيلي


وبتتعبني أكتر وأشياء أخرى بتذكرها ده غير الواقع اللي عايشاه وتعبت فيه لدرجة فوق احتمال أي انسان


ولولا إن الإنتحار حرام وكفر والعياذ بالله كنت اخترته لأني طاقة الاحتمال عندي نفذت


ولم تعد إلى حيث تكوينها منذ البداية فقد نفذت بأكملها ولا أعلم كيف يمكن لي أن أعيش بدونها وأتحمل ما ليس لي به مقدرة على


حمله فقد سئمت وفي وقت متعب الآن وحتى لا تقلقوا عليا كان عليا اخباركم أني سأغيب ولا أعلم كم فترة أو كم يوم


بس أنا بجد تعبانه فوق التخيل لأي حد وبطلب منكم الدعاء ليا لأني بجد محتاجاه


أستودعكم الله ادعولي بلييييييز :(


يارب ارحمني م اللي أنا فيه