فــي ليلة بكت فيها عيونــــــــي

السلام عليكم ورحمة الله وبركاته

بسم الله الرحمن الرحيم


في ليلة بكت فيها عيوني

في ليلة بكت فيها عيوني وحطمت فيها ظنوني

وملأ الحزن سكوني فتألم القلب بضلوعي

وانطفأت أنوار شموعي وامتلأت الحياة بدموعي

لقد رحل عني قلب أحبتته وداخلي أسكنته

وفي قرة العين طمأنته

رحل من أخذ قلبي وحنيني وملأ صوتي بأنيني

وقال لقلبي اتركيني

فلماذا ؟؟؟

أنا أحببتك وبكل كياني عشقتك

فلماذا ؟؟؟

أنا أهواك والقلب والعشق معاك

فكانت هديتك خداعي

وكلام عذاب في وداعي

وجراح بلا داعي

عايشت معي حياتي وكانت خيانتك مماتي

تحطمت كل آمالي وأصبح القلب خالي

فمررت بلحظات عصيبة خالية من أي شعور وطيبه

مليئة بمشاهد مريبة

مشاهد لقصتي معاك بدموعي وآلامي فاكراك

وبآه وغدر حساك

كنت أخيب ظنوني ولا أسمع من يحبوني

وأقول لهم أتركوني

مالي عيش بدونه

وقلبي أصبح مفتونه

وحياتي فداء لعيونه

ولكني سمعت عنك كلام ورأيت منك آلام

تحكيها مشاهد وترويها أفلام

أضعف و أغلب خلق الله اشفهولي يارب

السلام عليكم و رحمة الله و بركاته

بسم الله الرحمن الرحيم

يارب اشفهولي يـــــــــــارب

موش عارفه أقول إيه أنا جوايا حزن فظيع وكأنه قدري وكمل لما شفت النهارده مشهد عمري ما كنت متخيلة أشوفه

الإنسان بجد ضعيف أووي

وغلبان أووووووووووي وأد إيه أقل شوية هوا يخلوه يقع يـــــاه على الدنيا وياه على القدر بيختار ناس كتير طيبين

اللهم لا اعتراض ولا رد لقضاء الله .. بجد أنا تعبانه أوووي وخايفة أووووي

النهارده خرجت رحت أزور عمي وده عمي الوحيد اللي متعلقه بيه وبحبه وحقيقي أطيب خلق الله

شوفته وهو راقد تعبان جاله ابتلاء من عند ربنا فشل كلوي وموش متحمله يا حبيبي

والضغط والسكر مبهدلينه وعرفت إنه هيغسل 3 مرات

في الأسبوع يااااه وهو ياحبيبي موش متحمل الألم يارب اشفيه يارب

أرجوووووكم كلكم ادعوله ينوبكم ثواب ده بجد حبيبي وخايفة عليه أووووووووووووووووي

مسكت نفسي بالعافية وأنا ببوسه وبطمن عليه

وبقوله ياحبيبي بطل دلع بقى وهتبقى كويس وهتقعد جمبي ونطرد العريس وهتجوزك إنت

يارب اشفيه يارب

يارحمن يارحيم بجلالك وقدرتك وعزتك اشفيه فأنت الشافي المعافي ولا شافي غيرك وحدك لا شريك لك

أطالبكم الدعاء له عسى أن يتسجيب دعاء أحد منا هو محتاج دعائكم يارب اشفيه يارب وخليهولي يارب

الحمد لله على ابتلائك يا رحمن بس عشان خاطري اشفهولي ده طيب أوي و أغلب خلق الله

اسأل الله العظيم رب العرش العظيم أن يشفيك.

أذهب البأس، رب الناس، اشف وأنت الشافي، لا شفاء إلا شفاؤك، شفاء لا يغادر سقمًا .

رزقك الله عافية الأبدان و أبدان العافية

و قوة الايمان و ايمان القوة

و عافاك دنيا و أخري

و جعلك من المحسنين

يارب اشفيلي عمو يارب ياحي ياقيوم بدعوتك أستغيث

اللهم آمين يارب العالمين

قلبي موصيني عليها وعشانها بكتب ليها

السلام عليكم و رحمة الله و بركاته

بسم الله الرحمن الرحيم

قلبي موصيني عليها وعشانها بكتب

بداية برغم إني موش في مود يسمح بالكتابة لأي بوست بجد لكن أنا اتصدمت صدمة

وافتكرت إن في حاجه غلط عندي أنا بس لحد

ما فهمت وعرفت إن كيكي كياراا يحني قررت تغلق المدونة وكل حاكة ولو لفترة

وبما إني أصلا متنكدة وطهقانة وزهقانه وزحلانه خالث مالث الفترة دي وموش عارفة أكتب

أي حاجه فاتحملوا بقى

لأن قلبي موصيني عليها وعشان كده بعد ما قلت هرد بتعليقات عندي

يا أحسن أخوات بس لقيت بعد كيارا لازم أكتب وأصرح

هصرح بإيه يادي الخيبة نسيت ... يخرب بيت الزهايمر

آه موصيني على كيارا وحايز يقولها كلام كتير وكمان أنا عارفه إنها هترجع تاني

وهتفتح المدونة وهي عارفه إن بكره لو موث فتحتها

هيحصل ضرب نار وهخلي المنصورة تقاطع منتجات حلوان ههههههههههه وناس حلوان

ومواصلات حلوان هههههههههههههه

هنشوف بقى يا ست كيكي عثل يابت زي ما قولتلك اسمك بيفكرني بحاجتين

الكيك اللي محرومه وممنوعه منه ههههههههه

والحاجه التانيه اللي انتي عالفاها بقى اوعي تثيحي هونا هقتلك هههههههههههههه

يلا بقى هثوف محاكم قلبي .. احم احم موثيني حليها إزاي ..

يلا قلبي قولي مالك وحايز تقول إيه لكيكتي

في يوم م الأيام مريت على بستان مشيت فيه شوية قابتلني هناك حورية

لابسة فستان جميل مليان بالألوان وعينيها فيها لمعة صافية زي الماية

قربت منها وقلت أسلم بس عليها قريت كلام كتير في قلبها قبل عينيها

حبيت كل مافيها وقريت كتير عليها وفي آخر الكلام قلبي وجعني عليها

حسيتها شبيهة ليا واتمنيتها تكون أخت لغيري وكمان ليا

طفولة وشقاوة حلوة وضحكة تملى الدنيا عليها وعليا

ويدوب غمضت عينيا اختفت هي في ثانية

دورت كتير عليها وتهت في دنيا تانية

أكيد كنت بحلم وضاع الحلم مني

وخرجت من البستان وبقيت عايشة كأني

واقفة على الأمواج ولا موجة تحضني

ومشيت سكتي تاني لقيت جايلي رساله

بفتحها وقلبي يعاني وحالته كانت حاله

ولسه ببص فيها لقيت عيني جات عليها

وشفت إن الحورية انسانه حقيقية

وبعد يا ناس ثواني كانت بين ايديا

وقلتلها ترجع تاني لدنيتها وليا

وعدتني وكلامها صادق إنها هترجع تاني

قلتلها دلوقتي لازم قالتلي بلاش بعاني

وبعد كلام قلوب دعيت خالق الغروب

وقلت ليها تاني ترجع عشانكم وعشاني

ردت وقالت بكره هرجع وموش أغيب تاني

لأني وأنا بختفي كنت شايله همكم

وحاسه كأنكم مني ومنكم

وعشانكم هرجع وأنسى

مع إني بعاني لسه

لكن خلاص وعد

من بكره خلاص بجد

هكتب وأحكي معاكم

وأفضل دايما وياكم

برغم إني موش أعرفها عن قرب بس حسيتها زي ما قلت في كلامي وموش أي حد أتعلق

وأحس بيه وأنا بجد كتير حبيتها .. احم

وهي وعدتني بكره مع بوست جديد هتفتح المدونة وهترجع كيارا بتاعتنا واختنا وحبيبتنا كلنا

وإياكي تغيبي يابت تاني هقتلك وهنتحر ويبقى ذنبي في رقبت بقى ها بقى قولتي إيه

بث ثوفتي يابت يا كيكتي الحب اللي بحبهولك يلا أهي الناث كلها هتعرف وهتدبسي

وأديكي هتطلبيني من أهلي بقى زي مااتفقنا يا

ههههههههههههههههههههههههههههههههههههههههههه

إياكي تحمليها تاني هحلمك م المثاثه

يلا خليتنيني أكتب وأنا موث في مود كتابه

يلا وحضن أهو موث حالماكي من حاكة خالث يا كيكيتي هههههههههههه

مـــع أول لحظة احتياج راهن على الفراق

السلام عليكم و رحمة الله و بركاته

بسم الله الرحمن الرحيم

مع أول لحظة احتياج راهن على الفراق







عينان تلمعان , يدان ترتعشان , و قلب ينبض ببطء من شدة ما به من آلام , صرخة تأتي و أخرى تذهب


حلم يضيع وسراب يجتمع وخوف يملأ ظمأ أنثى تحتاج وتشتاق تحن وتئن تبكي وتخضع ببكاها لذاتها


حتى لا يرى غيرها دموعها , يسود الفرح البلدان احتفالا بالعيد وهي لا ترى أية ملامح له

بل تمسح بيديها على وجنتيها ...


خوفا أنا تنسدل عليها دمعة هاربة , عاد الإختناق ثانية صرخ وأعلن مجيئه


لعله سمع أن تلك الأنثى قد فرحت ولو للحظات


فجاء ليطمئن و كــأن قد كُتب عليها الشقاء طول حياتها .




دموع تملأ عينيها تخشى أن تسقط إحداها , تلهي نفسها بأي شيء


ولا تعلم ماذا تفعل ولمن تتكلم فذاتها تأبى الحديث معها


أصبحت تحمل في ثناياها بل يسري في شريانها جرح يؤلمها ويتجدد الألم كلما أوشكت على الابتسام


ضاع الحديث من فاهها ولا تعرف لما ولمتى ستظل على هذا الطريق؟


عندما تهرب من ذاتها وحزنها لتكتب أم ترسم يظهر وجهان لعملة واحدة على اختلاف قسوتهما ولكن المعنى يلفظ دائما


عين تدمع وقلب يأن وينزف وآه تحرقها وتقول:-



حزين يا قلبي والحزن لن ينساك


وإن سلكت طريقا ستجد جراحا تحيطك في دنياك


فإن أتى العيد عليك بت وحيدا واشتقت لهواك


وحين تذكره تختنق أنفاسك وتزيد بذكراك


وترتسم الحيرة عليك سائمة كل سؤال


عاشقة لكل إجابة تبعد عن المحال


وتأتي العين ساجدة لمن يريح البال


فلا يوجد غيره يهدي بنا الحال


وتغترب لحظات الحزن فرارا


وتعود البسمة خالقة أعذارا


تبرر رحيلها عن شفاهي تكرارا


فتختلق من هروبها أفكارا وأفكارا


ويحن القلب للحظة تأمل واحتياج


ولن يجد غير حزن ودمع ماثلين بازدواج


مرآة الحزن تلمع وتغوص مع الحزن في امتزاج


وحينها تصرخ دموع عيني معلنة الإفراج




باتت الأيام مثيلة بعضها ومع ذلك يزيد الإحتياج أكثر و أكثر وحينما نرسمه وننشده فيقترب تحقيقه


يأتي الرهان ويكون بمثابة عدوان ....


يحرق ويغزو كل ما في القلب و الوجدان ليعلن قدوم الفراق ولوعة ومرارة الإشتياق


ومصير قلب بات يحب ورسم عالمه ومستقبله


في احتراق ... خرجت الكلمة تعلن رحيلها لدنيا الفراق والرحيل






فما مضى لن يعود , وما يأتي لن أعرفه وسره مع علام الغيوب


فلما الرهان دون انتظار المكتوب فإن كان يرضيك الرحيل ورهان الفراق فسأحدث حالي ألا أبكي على اللبن المسكوب


فما بقى من العمر أكثر مما مضى ولن تبقى على شفاهي غير أني ياربي راضية كل الرضا .

العيد فرحة

السلام عليكم و رحمة الله و بركاته

بسم الله الرحمن الرحيم

العيد فرحة

سوري بجد على التأخير وعدم متابعة مدوناتكم كان عندي ظروف والله

غصب عني يا جماعه ومنها إني سافرت القاهرة وبعدين

لما جيت حضرت شنطتي ورحت أقعد بابن خالي عشان خالي و مراته عقبالكم جميعا يارب سافروا

الحـــج ويدوب لسه واصله

وحشتوني بجد وكل سنه وانتم طيبين عيد سعيد عليكم يارب

معايدة خاصة لأحلى أخوات :-

مــــــــــحمد

باربي

أحمـــــــد

كل سنة وانتم بخير يارب و ربنا يخليكم ليا يا أجمل أخوات

وياريت يا محمد تسلملي على القطاقيط

هابي عيد بقى هههههههههه العيد فرحة مااااااااااااااء

حلال الله أكبــــر

بس تعرفوا إن الخروف صعبان عليا أوي بجد

أنا أصلا موش بتحمل منظر الدم

وعثان هتندبح هغنيلك أغنية ثوغنتته

جه خلاص العيد ولبست كله جديد

لكن ما كنت سعيد

كان عندي يا ناس خروف طعم و كله كسوف

و قلبي عليه ملهوف

خدوه من بين أخواته و حضروا يوم مماته

وكتبت بايدي اسمه على شهادة وفاته

محدش ياكل لحمة كتير هتتخنوا ههههههههههههههههه

كل سنة و أنتم طيبين

بقيت أم بس نفسي أكـــــون أم

السلام عليكم و رحمة الله و بركاته

بسم الله الرحمن الرحيم


بقيت أم بس نفسي أكون أم

يكاد يكون البعض عند قرائته للعنوان أن يظن بأنني أصبحت زوجة وأم وبالفعل هذا حلم كل فتاة ولكن لم يُحقق

لي إلى الآن .. أعلم أن الأمومة كنز وأن احساسها يأتي فطريا ولكني أتعجب ممن يودون أن يكونوا أمهات وفجأة

تتحقق بقدرة من الله عز وجل وتأتي الأمومة ثم لم تلبث أن تأتي جملتهم الشهيرة ياليتنا ما أنجبنا لما لأننا سنصاب

بالعار بالفضيحة لأني أصبحت أم ولكن لإبن معاق ذهنيا فأنا نفسي أكون أم ولكن لطفل سليم يا للعجب على

هذه الدنيا يتمنون ويتشرطون حباهم الله كل شيء وعندما رضى عنهم وأراد أن يمنحهم ما يتمنون منحهم

في هيئة اختبار وفشلوا فيه فإما أن يذهب الطفل لدار رعاية أو مدرسة داخلية و إما أن يقيم عند إحدى الأقارب

الفقراء ومقابل رعايتهم يصرفون على هذه العائلة ( يعني بالبلدي كده هنعيشكم مرتاحين بس ربوه إنتم وإحنا

هنشوف طلباتكم و...)

أتعجب بالفعل لهؤلاء البشر ولم أتعجب للزمن لأن الزمن يتحرك بساعات وشهور سنين تمر علينا والمفترض أن

تأتي بنا إلى النضوج والحكمة وإجادة التفكير بشكل سليم ولكن ما يحدث بمجتمعنا هو العكس

فما ذنب هؤلاء الأطفال الأبرياء وما إدانتهم وما هو جرمهم كل ذنبهم أن أراحهم الله من نعمة العقل ومنحها

لآخرون ولكن هل الآخرون ينعمون بها ويستخدمونها في الطريق السليم ليس إلا فئة قليلة فقد ميزنا الله جميعا

عن سائر المخلوقات بالعقل ولكن الكثير منا يذهب به إلى طريق الهلاك والمعصية يرتكب به الجرائم

فأنا أم ولدي طفل ولكن لم أشعر نحوه بالأمومة و أتمنى أن أكون أم ولكن لطفل سليم ليس به أية عيوب

وليكن شكله هكذا ويديه هكذا فأين عقلك أيتها الأم نعمة الإنجاب تحدث من علاقة زوجية عاطفتين يندمجوا وتتولد

بينهم عاطفة ثالثة هناك من يحظى بها طبقا لقوله تعالى :-

بسم الله الرحمن الرحيم

(يهب لمن يشاء إناثا ويهب لمن يشاء الذكور أو يزوجهم ذكرانا و إناثا ويجعل من يشاء عقيما إنه عليم قدير)

صدق الله العظيم

صدقت يا من خلقتني و حقا ونعمة بالله آمنت وصدقت بقولك .. تأتي هذه الأم قبل معرفتها بأنها سوف تنجب

تصلي .. تدعي .. تزكي .. تحج وتفعل ما يزيد وتلجأ لطرق بدائية وعندما تتحقق المعجزة وتفاجأ بهذا الإنجاب

التي تسميه بالكارثة والنكبة عليها لأنه حباها طفلا معاقا ليه ياربي أنا عملتلك إيه وتبدأ مرحلة الإستجواب فاللهم

لا اعتراض لك يارب فيما تأتي به لما كل ذلك لما نظن أن هذا كارثة وعيب وجرم وعار سوف يلومننا الناس

عليه بل ويحتقروننا حقيقة تتأذى مشاعري كلما أرى مثل هذه الأفكار والأفعال لتلك الأمهات فأود قولها لك ياربي

أود أن أكون أم ولو كان نصيبي طفلا معاقا فأهلا به ولسوف أرعاه أكثر من الطفل السليم ... بجد حرام يا ناس

مثال من واقع الحياة :-

الأم (ص) الأب (ش) والكثير غيرهم الأبناء (م-17 سنه) (أ-25 سنة) هاذان يعتبروهم أبنائهم فقط هنا طفلان آخران (م – 20 سنه ) (ك – 15 سنة)

وهاذان ليس أبنائهما بل أضحوكتهما للأسف مصطلحات وتصرفات يفعلونها عندما يروهم في المناسبات فقط

لأنهم منذ ولادتهم وهم موزعين ويسكنون عند شقيقتين الأب (عماتهن) وبيعطوا لهم أجر عن رعايتهم ومن فترة

لأخرى يزورنهم وإن جاءت مناسبة تبدأ سخريتة الأب والأم لهم والأهل أيضا أنا متعلقة بالإبن (ك) جدا ويحبني

كثيرا ودائما عندما أصادفه وأقابله في مكان ما أو بمناسبة تصير بيننا دعابات أحب

ضحكته وبرائته في هذه الدنيا فهو لا حول له ولا قوة وأحزن وأخفي دموعي عندما

أرى معاملة الأبوين له وأنهم لم يظهراهم في حياتهم خوفا من العار

فما أجمله من عار بالدنيا وبيت في جنة الخلد بالآخرة

فمن يود أن يكون أما و أبا لهؤلاء وما رد فعلكم تجاه هؤلاء الآباء و الأمهات هل

توافقونهم فعلتهم وتودون أن تكونوا أم و أب مثل هذا المثال وترددوا بقيت أم

أصبحت أب بس نفسي أكون أم وأتمنى أكون أب

يارب أنا راضية باللي تقدرهولي مهما كان وأقول لك الحمد لله


موضوع وقضية انهمرت دموعي فيها لأن أبطالها هما أغلى شيء عندي الأطفال

فلهم ومعهم أجد حياتي ونفسي وأتمنى ولو أقضي كل وقتي بينهم حتى لو أطفال

الكون كله معاقين فهم أولا وآخرا ملائكة وأجمل نعم الله علينا

ومعهم يظهر مدى حبي لهم وإليهم أسعى لنيل رضاهم وحبهم فهم أحبائي وأطفالي

فـــــــي زمـــــــــن كــــــــــــــــــــان

السلام عليكم ورحمة الله وبركاته

بسم الله الرحمن الرحيم


فـــــــي زمـــــــــن كـــان



كان زمان في انسان عاش ومات جوه حكايات

عاش عشان يدي لزمان زي ما خد منه الزمان

وقال خلاص الوقت حان وفجأة شاف العمر فات

رجع وقال هبتدي من تاني وياريتني أنسى اللي كان


وأخلي نفسي زي نفسي ماهو لسه برده العمر آت

فكر في نفسه وعاش لبكره وقال خلاص هكون انسان

وأضحك كتير وأصرف كتير وأعيش أحلى الأوقات

وعشان لسه في قلبه زمان راح يا عيني في زمن كان


اترسمت دوامة أحزانه ورسمت حواليه خيوط

مقدرش يقطع خيوطها ووقع أمله في ثواني

وفشلت محاولاته مع نفسه يكون انسان مبسوط

واتجددت آلامه وضاع الانسان من تاني


صرخ بصوت عالي

لإمتى هيفضل حالي


وافتكر كلمتين سمعهم من سنين :-

ماهو أصل زمانك وكان عمره ماهيرجع تاني

وصعب يتولد جواك قلب عمره يكون أناني

قـــــرار و ســــــؤال فـــأجــــــــــب ؟؟؟

السلام عليكم ورحمة الله وبركاته

بسم الله الرحمن الرحيم

قرار وســــؤال فـــأجب ؟؟؟

رويدا على قلبي أيها الأيام

فداخله أشواك وهم و أحزان

فالقلب والحياة يملئها شجن وأوهام


فما كانا يتمنيان أن يعشا وحيدا في هذا الزمان

فكيف يا من أحبه تختار البعد دون كلام

وأنت قلب داخله انـــــسان

وسيعرف حقا من يهواه وداخله غرام

وبقراره أصبح يعيش في حرمان

فمتى في الحب يكون القرار قاسيا وتضيع الأحلام

فعليك سماع نبضي وستعرف عجزي عن النسيان

سيقول لك أنه يعشق قلبك على الدوام

وقبله كان جريحا يسكن في عالم الأحزان

فهل ترتاح في بعدي وتطالبني الإستسلام

فكيف يا من أحببته وأنا أتمنى في حبي لك قلبان

فحبك يزيد داخلي مرارا ويسألني الكلام

فسأحادثك ياقلبي دون خجل أو هوان

فأنا أحبك وأذوب في قلبك وما به من آلام

وما ينقصني غير حبك يا حضن الأمان

وســــــــــؤالي لـــــــــك:-

هل تظن أن حبي لك عبث و أوهام

فَاستخر ربك و سَلْ قلبك وهو يحكيك عما كان

أشتـــــــاق لذاتــــــــي

السلام عليكم و رحمة الله و بركاته

بسم الله الرحمن الرحيم

أشتـــــاق لذاتـــــي

لا أدري ماذا أقول لنفسي ؟ وماهي حالتي ؟ شوق , لهفة , أم خوف و ارتياب

حنين وألم .... كثيرا ما أرشف من كأس الحزن جرحا يصاحبني فلطالما ابتسمت

أتذكر أن وراء كل ضحكة مني دموع وليس دمعة واحده .. أكذب على نفسي و أقول دمعت عيني لضحكتي

لكن أرى عذاب في كل ضحكة :(

فحقا أشتاق لذاتي , أشتاق لتلك البنوتة التي تملأ ضحكاتها السماء وتسكن مع من يضحكون تاركة كلمة حزن في كتاب الماضي

أشتاق لمن كانت تلعب وتمرح مع الجميع أصبحت بمفردي بعد أن كان الكثير حولي أصبحت لا أبالي ما يحدث لي

تارة أراه هذيان وتارة أراه قدر أبدي وفي كل نظرة صغيرة مني لما يحدث يمتلأ بحر حزني بدموعي

كنت ماضيا أستنشق هواء الصباح بضحكة عالية مع كل من حولي أداعبهم ويداعبوني أصبحت أراهم ولا أراهم

فكان ما كان وجوها غير الوجوه وكلام ظاهري ولكن قد بدا لي الخفيا سريعا واتصدمت مع الدنيا

لا أصبحت أقوى على الصراع

سئمت صمتي سئمت حزني سئمت دموعي سئمت من ستكون اليوم وغدا تبكي

ممن كانوا حولها بوجه وأصبح الوجه خالي من شيء

اشتقت لذاتي اشتقت لكلمة السعادة الحقيقية أتمنى و لو أنام ساعة واحدة دون تفكير كلما يسود صمتي المكان يظهر

أمامي ما يتعبني ويؤرقني

تبدو دموعي لامعة بعيني أرجوها البقاء فيها وألا تنزل على وجنتي تحرقني

سئمت مستقبلي الذي لا أعرفه و أحن لطفولتي التي أكون

لا أعلم وجوه وقلوب الناس الحقيقية و أصدق ما يظهر أمامي

فأين أنا الآن ومتى ستعود إليا ذاتي ؟ وإلى أين سأذهب ؟

التـــــــــــاج الثالــــــــث يا أخـــــواتي

السلام عليكم و رحمة الله و بركاته

بسم الله الرحمن الرحيم

التـــــــاج الثالـــث يا أخـــــواتي

بما إني موش متعودة أؤجل عمل اليوم إلى الغد لكن لظروف غصب عني اتأخرت بقى عليا واجبين يارب يهون بيهم

شويه ..

نبدأ بالتاج الثالث

وده موجه من علاء صاحب مدونة عجبي أعمل إيه بث فيه ماهو من حفر حفرة بقى هههههههههههه

و برده ما يقع إلا الثاطل على رأي

نانثي عجرم و أنا برد عليها و أقولها ثاطل ثاطل ههههههههههه توكلنا على الله ندخل بقى للجد :)

السؤال الأول:-

أذكري ستة أسرار قد لا يكتشفها من يقابلك لأول مرة ؟

الإجابة:-

1- طيبة خطأ بمعنى إن من كتر طيبتي ممكن أكرر نفس الغلطة بحسن نية موش غباء ولو إن بقيت بسمع إن طيبتي بقت غباء

لأني موش بعرف أكون حويطة زي البعض :(

2- صمت مطلق وبيات شتوي بمعنى إن ممكن أتكلم أول مرة أو تاني مرة مع حد ما وبعد كده يحصلي حالة البيات الشتوي ده وكأن

لساني و عقلي أصيب بشلل أو عدم وعي وحالة هروب وصمت رهيب بتملاني ببقى عايزة أسمع دون كلام

3- بخاف من البشر موش جبانة بس بيحصلي كتير نفور منهم يمكن لأني اتأذيت كتير يعني فجأة تلاقيني بخاف لو حد بصلي أو كلمني

وببقى في حالة غريبة وياترى إيه ممكن يحصلي عارفه إنه خطأ بس كل ده نتيجة تراكم حصلي في حياتي :(

4- ببيع بسرعه وموش بسامح لو حد استخدم حبي له بشكل يضرني ويجرحني حتى لو بدون قصد موش بعرف أخليه كاسم حتى

في حياتي ولازم أبرمج حياتي من أول قبل دخوله فيها وأعمل مونتاج وأقص وجوده من حياتي صحيح بيكون في ألم بث

نصيبي وربنا خالقني كده بقى .

5- بتنازل و أضحي كتير لأي حد أحبه وموش بقول أنا ضحيت عشانك أو عملت وتضحيتي ممكن تكون بضرر

بس المهم

اللي أحبهم يكونوا مبسوطين و مرتاحين عارفه برده إنه غلط بس زي ما قلت طبيعة ربانية و الله :(

6- لو فتحت في الضحك ببقى مسخرة بجد وصعب حد يسكتني بث ده موث بيحصل إلا مع صحباتي وبنات خالي و ولاد

خالتي

ببهدلهم هزار يعني م الآخر كده دمي خفيف هههههههههههه يلا عثان تفتكروني مغرورة هههههههه

7- هو مطلوب ستة أسرار بس أنا كان مفروض أقول دي أول حاجه هههههههههه

دموعي قريبة بشكل فظيييييييع و موش بعرف أخبيها أو أكتمها عشان موش يتقال عني ضعيفة من قوة قربها مني

ممكن تنزل

و أنا بالشارع بدون ما أحس لو مضايقه أو شفت حاجه تعبتني :( حد معاه منديل بقى هههههههههه

السؤال الثاني:-

أذكري سبعة حاجات نفسك تعمليهم ؟

الإجابة:-

1- أحجج ماما و أشوفها مرتاحة صحيا وموش بتشتكي من أي حاجه أبدا .

2- ربنا يقدرني و أكمل في الدراسات العليا و أحقق ذاتي اللي بتمناها .

3- أكون صورة من المسلمات المؤمنات المبشرات في الجنة مثل بنات الرسول يعني أقرب من ربنا أكثر و أكثر و أكون في ديني

مثلما يريد ربي .

4- أكون أم لأطفال محتاجين اللي بحسه معاهم وليهم بمعنى كفالة يتامى ربنا يقدرني .

5- نفسي أخلي مصر كلها خير لو بإيدي أمنع الشر و أقتله اللي ولد لينا الجريمة و أقتل الفقر و الغلاء اللي ولد لينا الإحتياج نفسي

أموت الظلم الموجود جوه الحكام .

6- نفسي أبني مكان كبير أسميه خير ربنا منه وفيه الناس تاكل وتتعلم و تتجوز وتبقى مرتاحة في كل حاجه وموش ألاقي حد تعبان

أو محتاج أي شيء .

7- و أخيرا نفسي أحقق اللي بتمناه ألاقي الحبيب اللي يكونلي أب و أخ و زوج و حبيب وابن وأكون أم لأطفال كتير ويارب يكونوا

أربع توائم هههههههههههه قولوا آمين .

السؤال الثالث:-

أذكري سبعة حاجات موش عرفتي تعمليهم ؟

الإجابة:-

1- موش عرفت أشيل الطيبة من جوايا اللي ما زالت بتوقعني وتصدمني في الدنيا .

2- موش عرفت أنافق عشان أعرف أعيش زي الناس ما بتقول اعملي عشان كده الدنيا بقت ماشيه .

3- موش عرفت أرجع مريم بتاع زمان يمكن لو كنت قدرت أرجعها موش كانت هتبقى في حزن دايما .

4- موش عرفت ألاقي الحب بجد بقيت أشوف كله كدب وغش وقناعات بكلام حلو يلبسها أي حد عشان يوهم ويخدع وبس .

5- موش عرفت أبتدي صفه جديدة مع أي حد جرحني و أقول خلاص المسامح كريم فشلت بجد :( .

6- موش عرفت أحب نفسي وموش عارفه هي اللي ضرتني ولا أنا اللي ضرتها وموش بقيت عارفة مين نفسي .

7- موش عرفت أقول يلا نفسي في كل حاجة ولو هتضر ضرر جامد كنت برده بعمل اللي غيري عايزه طالما غاليين عليا

وهيكونوا مبسوطين عارفة إني كده هبلة وطيبة بغباء بس دي مريم وبقيت موش مريم موش بقيت فاهمه نفسي

وبقيت بحس بمريم وسط الأطفال و بس والمكان الوحيد والحد الوحيد اللي موش بخاف منهم هما الأطفال .

السؤال الرابع:-

أذكري سبعة حاجات بتقوليهم ؟

الإجابة:-

1- أثلا أثلا اللي هي أصلا أصلا هههههههههه

2- موث عالفه بقى اللي هي موش عارفه بقى ههههههههههههههههه

3- يا ثلام اللي هي يا سلام هههههههههههههه

4- بكد بكد يا راجل اللي هي بجد بجد ياراجل هههههههههههه

5- أوك خلاث خلاث خلاث

6- فاهمني أو فاهماني

7- ميرسي ميرسي

معلثي بقى حظكم إن لغتي بيبيز خالث خالث هههههههههههههههههههههه

السؤال الخامس:-

أذكري سبعة مشكلات في حياتك ممكن أن تحلها الفلوس ؟

الإجابة:-

موث عارفه ليه موث حابه السؤال ده ولا مقتنعه بيه يمكن لأن الفلوس عندي وسيلة وليست غاية ولكن وسيلة مؤجلة يعني بغرض

الشراء و البيع والتعاملات التجارية فقط وحتى ده برده بيخضع للرزق وده من عند ربنا يعني كل مشكلة وليها حل موش بالفلوس لكن

من ربنا حلها الرضا ارضي ربك ارضي أهلك حب نفسك واللي حواليك ارضى عن نفسك

ساعات كتير بحس إن الرضا مفتاح حل المشاكل أو يمكن هو أول باب في حلها وكل مشكلة وحلها بيكون مكتوب عند ربنا

وهو وحده اللي يحلها حتى لو بحلم أجيب عربية حلها اسعى ياعبد اشتغل كافح إديني طاعة وحب العمل والسعي ورا الرزق

وأنا أسعدك برزق كبير تحمدني عليه ويكون ليك وسيلة لشراء ما تحتاجه

يارب تكون إجابتي وضحت اللي عايزة أقوله .

السؤال السادس:-

أذكري سبع أماكن بتحبيها ؟

الإجابة:-

1- السعودية رغم إني بتمنى من ربنا يكتبلي أزورها .

2- المقابر موش عارفه برتاح أوي هناك عند جدي و جدتي وبحب أقعد معاهم و أكلمهم بحس براحة غريبة .

3- أي مكان فيه الأطفال ببقى في منتهى السعادة والحب وموش عايزة أروح .

4- أوضتي بحب أقعد فيها وخصوصا لو قاعده بقى على سور البلكونة و إحنا في الدور الرابع والدنيا ضلمه يا مامي ههههههههههه

وأقعد أبص للسما وأحس إن جوايا كلام بقوله إيه موث عالفه هههههههههه

5- عند خالتو لما بتكون هنوده هناك بيبقى يوم بالنسبة لي يالهووووووووي مسخرة بجد ضحك بطريقة فظيعه .

6- عند كل من خالي عشان بناته بموت فيهم وعند نانيس عشان ألعب مع فرح و مروان ومنال أنتيماتي و دول روحي فيهم

7- ع البحر عشان بقعد أكلمه و دموعي تحكيله اللي بقوله جوايا وفي كتابتي بث :(

السؤال السابع:-

أذكري سبع أشخاص بتحبيهم غير ماما و بابا و أخواتي؟

الإجابة:-

1- نانيس ودي أغلى حد عندي عايزة عمر فوق عمري عشان يتكلم عنها .

2- رشــــــا ودي بقى ماما و أختي وكل حاجه واللي طلعت بيها من النت هي و حد تاني هقوله بعدها .

3- سارة دي بقى اسكندرانية زي العثل وبموت فيها البت دي .

4- منــــــــال دي أنتيمتي وصحبتي و أختي من و أنا في كي جي 1 .

5- كل الأطفال دول حبيبة وندى ومحمد وسما وبودي ولودي وعموره ومنه وسمسمه و ايمي و نور و بسبس و بوسي

و حنين و فرح

بقى دي مشكلة لوحدها وبموت فيها وهي بتنده اسمي ياخلاثي يا أخواتي و مروان ده بقى لماضه ما شاء الله و لوجي و

محمد أخوها

دول توأم و زيزو وهنا و ريتاج طبعااااااا كلهم بيقولوا خالتو ما عدا زيزو يقولي عمتو وفرح ومروان بيقولوا يا

موري .. احم احم

مدرسة ثح بس روحي فيهم أنا بفكر نروح للفريق القومي نشوف فيهم أطفال ولا إيه شايفاهم قليلين هههههههههههه .

6- بنات مغاربة بقى جدعان أوي وبموت فيهم سندس و هاجر الإتنين عندي أخواتي و أكتر وبحبهم أوي .

7- لولو طبعا :) وميزو وهند بنت خالتي و هاني أخوها وبنات خالي و أموله بنت خالي .

السؤال الثامن :-

أذكري سبع حاجات بتحبيهم أوي؟

الإجابة:-

1- الثوكولا اللي هي شوكولا ههههههههه .

2- المثاثة اللي هي مصاصه ههههههههههههه .

3- ركوب العجل والموتسيكلات و الخيل عقبال العربيات يارب ههههههههههه .

4- المشي على البحر و الجري وبما إني أخف واحده في العيلة بسبقهم لولولولولولي هههههههههه.

5- الشعر بكل أنواعه قرائته و كتابته .

6- المكرونة البشاميل والبانيه والبوفتيك ههههههههههه والله موث تخينه خالث ههههههههه .

7- الموسيقى والعزف أحيانا بث لثه على أدي .

السؤال التاسع :-

أذكري سبع مدونات تحبي تقرالهم ؟

الإجابة:-

بما إني موث ليا في المجاملة أو النفاق وبكره الدبلوماسية وعالفة غن السؤال محرج بث أنا هقول اللي حسيت نفسي

فيهم وبحب

أقرالهم وارتحت في بيتهم أو مدونتهم لأني بعتبرها بيت كل واحد بيأسسه بخياله و فكره ورؤيته هما:-

1- شباب أونلاين ده أكيييييييييد بحبهم جدااااااااااااااااااا وبحسهم طيبين أوي ودمهم زي الثكر .

2- علاء اللي دبسني في التاج وهقتله هههههههههه صاحب مدونة عجبي ده بجد مشكله وثكر خالث مالث وجدع أوي .

3- مصطفى طيوب أوي صاحب مدونة حكايات زمان .

4- مدونة حاجات عيال عثان حسيت فيها بروح الأطفال اللي جوايا .

5- مدونة دردشة عربي لأونكل احمد زي ما قالي ههههههههه محترم جدا وبحس إن ما شاء الله ربنا يحميه عقله

متفتح عاقل

و رزين أوي وبيدافع عن الصح للآخر .

6- كيارا صاحبة مدونة ضي القمر روحها لذيذة و ارتحت في بيتها أوي .

7 - أمير البلانكو و ريمان و نور الدين .

و المدونات معظمها حلو بجد بس أنا بحب الصراحه بجد دول أكتر ناس و أنا بقرأ و أرد عندهم بحس براحه و أحاسيس

غريبة

و كأنهم بيقولوا اللي عايزاه وربنا يوفقهم يارب

ويوفقنا جميعا لما يحبه الله و يرضاه

هيييييييييييييه أخيرا خلصت الإمتحان ده يارب يكون تاج خفيف عليكم وتكونوا موش كرهتوا الشخصية الغريبة اللي اثمها

مــــــــــيرو دي هههههههههه

وبجد هي دي مريم و ربنا شاهد على كل كلمة قلتها

وبما إني اتدبست بقى ولازم أدبس غيري

فأنا نفسي أدبس أحلى أخوات شباب أونلاين

و أدبس كيارا

و أدبس أمير البلانكو وسمعوني أحلى تحية طاخ طيخ طووووووخ

هيييييييييييييييه عندنا ضحيه واحده ههههههههههه

يخرب بيت خفة دمك يابت يا ميرو ولا محمد هنيدي في زمانه ههههههههههههه

كده فاضلي واجب واحد أخيرا من عند أحلى أخوات شباب أونلاين ويارب هون بيه

منك لله يا علاء هموتك كتبتني كل ده

ابقى اعطيلي تاج خفيف :( ثمبتيك زيي هههههههههههه

أقولكم كفايه كده بقى وتصبحوا على خير

قبل ما تكرهوني هههههههههههههه

نايتي نايتي يا قطاقيط

في رعاية الله